Chiellini: Modric ia “vodhi” Topin e Artë Ronaldos

08:12 | 3 Dhjetor 2019
Arbresh Info

Mbrojtësi i Juventusit, Giorgio Chiellini beson që Luka Modric, vitin e kaluar ia ka vjedhur Topin e Artë bashkëlojtarit të tij, Crisitano Ronaldo.

Në vitin 2018, kroati fitoi Topin e Artë duke e ndaluar portugezin për tu bërë lojtari më i mirë në botë për të gjashtën herë, transmeton portali arbresh.info.

Këtë gjë dje e arriti ylli i Barcelonës, Lionel Messi, i cili njëkohësisht shënoi historinë duke u bërë lojtari i vetëm që ka fituar  gjashtë herë Topin e Artë në histori të futbollit.

Italiani beson që Reali vendosi që Ronaldo të mos e fitojë Topin e Artë.

“Është në rregull Messi fitoi Topin e Artë këtë vit. Vjedhësi i vërtetë ishte vitin e kaluar. Real Madrid vendosi që Cristiano të mos e fitojë Topin e Artë. Ishte vërtetë e çuditshme”

Sipas disa raportimeve për këtë arsye, pesë herë fituesi i Topit të Artë që dy vite radhazi nuk është prezent në ceremoni./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm